ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត និងភរិយាបានអញ្ជើញត្រឡប់មកដល់រាជធានីភ្នំពេញវិញបន្ទាប់ពីបានដឹកនាំប្រតិភូចូលរួមកិច្ចប្រជុំកំពូលរំឭកខួបអនុស្សាវរីយ៍អាស៊ាន-ជប៉ុន លើកទី៥០ ចាប់ពីថ្ងៃទី១៥-១៩ ខែធ្នូ ឆ្នាំ២០២៣ នៅទីក្រុងតូក្យូ ប្រទេសជប៉ុន។
ជើងយន្តហោះពិសេសនៃរាជរដ្ឋាភិបាលកម្ពុជាបានមកដល់ព្រលានយន្តហោះអន្តរជាតិភ្នំពេញ នៅម៉ោងប្រមាណ ៨និង៣០នាទីយប់ថ្ងៃអង្គារ៍ ទី១៩ ខែធ្នូ ឆ្នាំ២០២៣នេះ។
នាយករដ្ឋមន្ត្រីបានអញ្ជើញដឹកនាំប្រតិភូកម្ពុជាទៅប្រទេសជប៉ុនកាលពីថ្ងៃទី១៥ ខែធ្នូ ឆ្នាំ២០២៣៕
